文章

HSBC滙豐調整網絡 紅街市分行結業及新設氹仔星皓廣場分行

圖片
澳門HSBC滙豐銀行宣佈,位於澳門高士德大馬路122-124號嘅紅街市分行將於2020年6月26日(星期五)服務時間過後停止營業。

而旗下首間位於氹仔嘅分行-濠尚分行將於2020年6月29日(星期一)起正式投入服務,新分行嘅地址係 : 氹仔濠尚星皓廣場Nova Mall地下G28號舖。

新分行嘅營業時間亦較原有紅街市分行及南灣總行有分別,開門時間及關門時間均順延1個鐘,營業時間係星期一至五1000 - 1730、星期六、日及澳門銀行假期休息。

今次網絡調整後,滙豐維持喺澳門有2間分行,分別為南灣總行及濠尚分行。
南灣總行(附設卓越理財中心) 地址 : 澳門南灣大馬路639號
營業時間 : 星期一至五0900 - 1630、星期六、日及澳門銀行假期休息
濠尚分行 地址 : 氹仔濠尚星皓廣場Nova Mall地下G28號舖
營業時間 : 星期一至五1000 - 1730、星期六、日及澳門銀行假期休息


資料來源 : 香港上海滙豐銀行有限公司(澳門分行)「調整支行網絡」通知

星皓廣場地庫B1樓 6月15日開幕喇!

圖片
星皓廣場已經正式宣佈地庫嘅開幕時間!

星皓廣場地庫會喺6月15日起開幕,而官方亦公佈咗地庫B1樓層嘅商戶組合,包括有:
Watsons屈臣氏Taste超級市場(by百佳)玩具反斗城萬寧Kid's Cavern兒童世界Dr. Kong澳門街南北貨優品360 除咗地庫之外,商場嘅其他位置據聞仲會有戲院、健身室、美食廣場、香港大型銀行分行等等,記得繼續密切留意喇!


WatsMask 5月29日起發售 暫只限香港百佳及屈臣氏分店

圖片
百佳正式回覆指出,WatsMask暫時只在香港門市發售


屈臣氏集團早前宣布將佢哋設喺香港大埔工業邨嘅部份蒸餾水廠改建成口罩廠房。易賞錢今日(28/5)就向易賞錢會員發出電郵,指WatsMask會於5月29日起於屈臣氏線上線下(只限香港分店)及全線百佳超級市場發售

WatsMask每盒30個,獨立包裝,SGS測試符合ASTM Level 2,每人限買1盒。而售價係:
易賞錢會員 $69.9其他顧客 $79.9 大家可以簡單下載「MoneyBack易賞錢」App,輕鬆成為會員㗎!


全新澳門資訊網站

全新澳門資訊網站 - At Macao已經登場喇!我哋即將為大家送上更多最新最齊嘅澳門資訊!